«Арнұр Кредит»: цифрландыру клиенттерге қалай көмек көрсетеді

Қазақстандағы қаржылық сектордың қарқынды цифрлық трансформациясы сәтінде «Арнұр Кредит» микроқаржылық ұйымы технологиялардың бизнес тиімділік пен әлеуметтік жауапкершіліктің қалай негізі болатындығын көрсетті. Скорингтік жүйелерді, кредиттік конвейерді, қорғалған IT-инфрақұрылым мен заманауи CRM-шешімдерді енгізу арқылы компания клиенттердің қажеттіліктеріне және қауіпсіздіктің жоғары стандарттарына бағытталған микроқаржыландырудың ашық және жылдам моделін қалыптастыруға мүмкіндік алды.

Осыдан бірнеше жыл бұрын кредитті мақұлдау үш күнге дейінгі уақытты алса, бүгінгі таңда бұл үдеріс 15 минут ішінде шешіледі. Оның негізгі себебі - автоматтандырылған скорингтік жүйелерді және кредиттік конвейер деп аталатын бірегей бағдарламалық жасақтаманы енгізу.

«Егер қолмен таңдау бұған дейін белгілі бір уақытты алса, қазір автоматтандыру есебінен бұл уақыт айтарлықтай қысқарды. Адами қате мен алаяқтық тәуекелі қысқарды», - деді «Арнұр Кредит» МКҰ» Басқармасының төрағасы Раушан Курбаналиева.

Заманауи скорингтік механизмдер клиенттің табысын, қарыз жүктемесі мен бизнес-көрсеткіштерін ескеруге, стоп-факторлар мен коэффициенттерді пайдалануға, ал мұндай технологиялар үдерісті жеделдетіп қана қоймай, оны ашық және объективті етуге мүмкіндік береді. Клиенттердің сенімін арттыру мен субъективтілікті жою мақсатында кредиттік шешімдерді қабылдау енді нақты қызметкерге байланысты емес.

Технологиялардың масштабы

IT-шешімдерді ұлғайту мен бизнес-үдерістерді стандарттау арқылы компания клиенттерінің саны бір жыл ішінде 19,5 мыңнан 25 мыңға дейін артқан. Бас кеңседе енгізілген барлық шешімдер жедел түрде бейімделіп, өңірлік өкілдіктерге таралған. 

«Скорингтік жүйелер мен біздің негізгі құралымыз кредиттер бойынша шешімдерді қабылдау үдерісін бір стандартқа келтіріп, ұлғайтуға мүмкіндік береді», - деді компания басшысы.

Бүгінгі таңда «Арнұр Кредит» – бірегей цифрлық стандарттар бойынша қызмет көрсететін дамыған филиалдық желі ғана емес, Қазақстанның кез келген өңірінде сапалы клиенттік тәжірибесімен ерекшеленетін компания.

Компания аса сезімтал ақпаратты өңдеу барысында киберқауіпсіздікке өте үлкен көңіл бөледі, сол себептен клиенттер мен қызметкерлер екіфакторлық аутентификациядан өтеді, байланыс арналарын шифрландыруды, дербес деректерге қол жеткізуді бақылау жүйелерін қолданып қана қоймай, сыртқы шабуылдардан қорғайды.

«Біз IT-қорғауға елеулі ресурстарды жұмсаймыз. Арналардың криптоқорғауын, екіфакторлық аутентификацияны, барлық жүйелер деңгейінде қорғауды пайдаланамыз», - деді Курбаналиева ханым өз сөзінде.

Бұған қоса компанияда клиент деректері бар базаларға қол жеткізуден бастап, сыртқы фаерволдарға дейінгі барлық деңгейлерде қорғауды бақылайтын толыққанды IT-қауіпсіздік бөлімі жұмыс істейді.

Компания жеке бағдарламалық жасақтамаға емес, халықаралық IT-шешімдерді ұсынатын көшбасшы жеткізушілермен серіктестікте бола отырып, өз ресурстарын дұрыс шоғырландырып, негізгі бизнес мақсатқа, яғни микроқаржыландыруға бар күшін жұмсайды.

«Біз аутсорсинг жолын таңдадық, нарықта өзін жақсы көрсеткен және тексерілген цифрлық шешімдерді қолданамыз. Осы арқылы компания тиімдірек және икемдірек бола отырып, клиенттерге жоғары деңгейдегі қызметті көрсетеді», - деді Курбаналиева ханым.

Қарым-қатынасты жаңа деңгейде басқару

Компания дамуының келесі кезеңінің бірі – CRM-жүйе мен кеңейтілген байланыс орталығының интеграциясы. Аталған іс-шара клиентпен өзара әрекеттесудің толық тарихын, оның бизнесінің дамуын, қажеттіліктерінде болған өзгерістерді бақылауға, сонымен қатар дербес кеңес беруге мүмкіндік береді.

«Клиент бізге қоңырау шалған кезде операторда барлық қажетті ақпарат болады: ресімделген кредит сомасы, мерзімі өткен берешектің болуы, кепілзат пен басқа да маңызды ақпарат. Бұл қызмет көрсету жылдамдығын арттырып, оны сапалы етуге мүмкіндік береді», - деді компания басшысы.

CRM-жүйе сонымен қатар компанияға клиенттердің жеңістерін көруге, яғни бизнестің қалай өзгергендігін, қандай жаңа бизнес түрлерінің пайда болғандығын, дамудың келесі кезеңінде қандай қаржылық құралдар тиімдірек болатындығын бақылауға мүмкіндік береді.

Орландо қаласында өткен халықаралық IT-конференция барысында «Арнұр Кредит» өкілдері жаңа трендтермен (филиалдарды басқаруға арналған «бұлтты» шешімдерден бастап, микроқаржылық үдерістерге ЖИ-дің интеграциясына дейін) танысты. Тіпті қазіргі таңда субкеңселердің күйін бақылауға, қызметкерлердің мансап жолындағы жеңістерін қадағалайтын HR-платформалар және көптеген жаңашыл шешімдер енгізіліп келеді.

Компания келесі қадамға, яғни тәуекелдерді талдау үдерісіне жасанды интеллект құралдарын енгізуге, нақты клиентке арналған өнімдерді баптауға, зияткерлік кредиттік сервисті ұсынуға толық дайын.

Бүгінгі таңда «Арнұр Кредит» - микроқаржыландыру саласында кең ауқымды, тиімді және технология тұрғысында ұтымды үдерістерді қалай қалыптастыруға болатындығының жарқын мысалы. Компания трендтерді ұстанып қана қоймайды, оларды енгізу арқылы Қазақстандағы цифрлық қызмет көрсетудің жаңа стандартын қалыптастырып келеді.

«Егер жаңа технологиялар енгізілмесе, біз микроқаржыландыру секторында көшбасшы бола алмаймыз, тиісінше кәсіпкерлерге оларға қажетті деңгейде қызмет пен қолдау көрсете алмаймыз», - деп сөзін Раушан Курбаналиева ханым қорытындылады.

«Арнұр Кредит» компаниясы гумандық тәсілдер, нақты талдау мен цифрлық ашықтықтың жиынтығы болашақ емес, микроқаржыландыру нарығының қазіргі күйі екендігін көрсетіп қана қоймай, саланың көшбасшысы позициясын атқарып келеді.